ஐ. நா. மாநாடு: ஜனாதிபதி தலைமையிலான குழு நியூயோர்க் பயணம்

ஐ. நா. வின் உச்சி மாநாட்டில் பங்கேற்பதற்காக ஜனாதிபதி மஹிந்த ராஜபக்ஷ தலைமையிலான குழு நியூயோர்க்கிற்கு புதன்கிழமை பயணமானது. முற்பகல் 11.30 மணிக்கு கட்டுநாயக்க விமான நிலையத்திலிருந்து புறப்பட்ட யூ. எல். 503 இலக்கமுடைய லண்டன் செல்லும் விமானத்தில் இக் குழு பயணமானது.

ஜனாதிபதி தலைமையிலான குழுவில், வெளி விவகார அமைச்சர் பேராசிரியர் ஜீ. எல். பீரிஸ் மற்றும் ஜனாதிபதியின் செயலாளர் லலித் வீரதுங்க ஆகியோரும் அடங்குகின்றனர்.

ஐக்கிய நாடுகள் சபையின் தலைமையகத்தில் உச்சி மாநாடு எதிர்வரும் 20 ஆம் திகதி முதல் 22 ஆம் திகதி வரை நடைபெறவிருக்கின்றது. இந்த மாநாட்டில் ஈமிலேனியம் அபிவிருத்தி இலக்குகள் தொடர்பில் முக்கிய கவனம் செலுத்தப்படும்.

ஐக்கிய நாடுகளின் 65 ஆவது பொதுச் சபை அமர்வுகள் கடந்த 14 ஆம் திகதி ஆரம்பமாகியுள்ளது. எதிர்வரும் ஞாயிற்றுக்கிழமை உலகத் தலைவர்கள் பங்கேற்கும் மாநாடு நடைபெறும். அந்த மாநாட்டில் ஜனாதிபதி மஹிந்த ராஜபக்ஷ உரையாற்றுவார்.அமைச்சர்களின் பொது விவாதங்களுக்கான அமர்வுகள் உச்சி மாநாடு எதிர்வரும் 23 ஆம் திகதி ஆரம்பமாகும்.

உச்சி மாநாட்டில் ஈமிலேனியம் அபிவிருத்தி இலக்குகள் எனும் தலைப்பில் மட்டுமல்லாது கால நிலை மாற்றம், உணவு பாதுகாப்பு, பாதிக்கப்பட்ட நாடுகளின் மீளமைப்பு, பாதுகாப்பு சபை மறு சீராக்கல் உள்ளிட்ட பல்வேறு விடயங்கள் தொடர்பில் ஆராயப்படவு ள்ளன.